हेटौंडाः बागमती प्रदेशको राजधानी हेटौंडामा रहेको मानव सेवा आश्रमले बुधबार दुई भारतीय नागरिकको उद्दार गरेको छ । ६० वर्षिय जसाविरलाई गौरी टायर आसपासको प्रणामी चोकबाट उद्दार गरेको मानव सेवा आश्रम मकवानपुरका अभियान्ता होमनाथ पौडेलले जानकारी दिनुभयो ।
यसैगरी ४८ वर्षिय शिव कुमारलाई पनि हेटौंडा–९ बाट शारीरिक अवस्था नाजुक भएको अवस्थामा उद्दार गरेको छ । स्मरण शक्ति कमजोर भएकाले कुनै पनि कुरा बताउन नसक्ने अवस्थामा भारतीय नागरिक रहेका छन् । परिवार र घर कहाँ हो भनेर खोजी कार्य भइरहेको पौडेलले बताउनुभयो । मानवसेवा आश्रमले हालसम्म हेटौंडाबाट पुरुष ९ सय २ जना र महिला ४ सय ८७ जना गरी १ हजार ३ सय ८९ जनाको उद्दार गरेको छ ।
