हेटौंडाः मकवानपुरका कवि छवि अनित्यको “तुइनको बाटो” कविता संग्रह गृह विमोचन गरिएको छ । पोखरामा विमोचन भएको कविता संग्रहको मकवानपुरे साहित्यकार छविले शुक्रबार आफ्नै जिल्लामा विमोचन गर्नुभएको हो ।
विश्व तथा नेपाली साहित्यलाई दर्साएको उक्त कविता शुक्रबार हेटौंडामा पनि विमोचन भएको हो ।विमोचन कार्यक्रम हेटौंडा स्कुलअफ म्यानेजमेन्टका सञ्चालक पुरन जोशीको अभिभकत्वमा कार्यक्रम भएको हो । विश्व साहित्य र समकालीन साहित्यको समिक्षक एलवी क्षेत्रीले कविता संग्रहको विश्लेषण गर्नुहुँदै छविको कविता प्रेममय र समाज रुपान्तरणमा सहयोग पुग्ने बताउनुभयो । यसैगरी समिक्षक सुमन पोखरेलले इतिहास, संस्कृति भौगोलिक समेटिएको कविता मात्रै कविता हुने स्पष्ट पार्नुभयो ।
यस्तै, लेखक छवि अनित्यले आफूले दुई दशकदेखि कविता लेख्न सुरु गरिएको बताउनुभयो । कृतिमा अझै निखार ल्याउने प्रयत्न रहेको बताउनुहुँदै कार्यक्रममा छविले “फुलको बिम्बमा कविता”, “तिमी जो कोहीँ हौँ” र “राष्ट्रवाद” शिर्षकका कविता बाचन गर्नुभयो ।
