हेटौंडाः हेटौंडा— १ भैरवडाँडामा रहेको पाथीभरामा मन्दिरमा भोली बिहिबारदेखि एक महिने महोत्सव हुने भएको छ । फाल्गुन २६ गते बिहिबारदेखि चैत्र २८ गतेसम्म महोत्सवसँगै कोटीहोम हुने पाथीभरा मन्दिर संरक्षण समितिले जनाएको छ । मंगलबार पाथीभरा मन्दिर संरक्षण समितिले पत्रकार सम्मेलन गर्दै महोत्सव आयोजना गर्ने जानकारी गराएको हो ।
पाथीभरा मन्दिर संरक्षण समितिका अध्यक्ष केशव देवकोटाले वर्षमा दुई पटक महोत्सव मनाउँदै आएको बताउनुभयो । महोत्सवमा चण्डि पुजा, कोटिहोम जस्ता कार्यक्रम हुने अध्यक्ष देवकोटाले जानकारी दिनुभयो । कोटिहोममा प्राकृतिक वस्तुहरु (जटिबुटी, धुपी, सल्ला, श्रीखण्ड) जस्ता पवित्र वस्तुहरु हवन गर्ने बताइएको छ । मन्दिरका पुजारी भरत प्रसाद लम्सालका अनुसार मन्दिर निर्माण भएको १५ वर्षको अवधिमा भक्तजनहरुको संख्यामा उल्लेख्य वृद्धि भएको छ ।
