हेटौंडाः सुस्मा कोइराला मेमोरियल अस्पताल काठमाडौंको आयोजनामा शनिबार हेटौंडा अस्पतालमा भएको एकदिने निःशुल्क स्वास्थ्य शिविरमा ९० जनाले स्वास्थ्य परीक्षण गराएका छन् । स्वास्थ्य परीक्षण गराएकामध्ये ५४ जनाको स्वास्थ्य अवस्था सामान्य रहेको र ३७ जनाको थप उपचार गर्नुपर्ने पाइएको छ ।
स्वास्थ्य परीक्षणका क्रममा भेटिएका क्यान्सर, पुनः शल्यक्रिया गर्नुपर्ने र जन्मजात ओठ तथा तालु फाटिएका बिरामीलाई थप उपचार गरिने बताइएको छ । थप उपचारका लागि पहिचान भएका बिरामीलाई काठमाडौंस्थित सुस्मा काइराला मेमोरियल अस्पतालमा पठाइने हेटौंडा अस्पतालका स्वास्थ्यकर्मी बिनिमा बज्राचार्यले जाकारी दिनुभएको छ ।
