हेटौंडाः चालु आर्थिक वर्ष २०७८/०७९ को हालसम्म मकवानपुरको ४ वटा पालिकामा २० वर्ष नपुगी ४ सय २९ जना आमा बनेका छन् । मकवानपुरको हेटौंडा उपमहानगरपालिकाभित्रै ३ सय ९० जना २० वर्ष नपुगी आमा बनेका हुन् ।
हेटौंडा उपमहानगरपालिकाको हर्नामाडी स्वास्थ्य केन्द्र, हेटौंडा अस्पताल, मकवानपुर सहकारी अस्पतालबाट प्रसुति गराएको हेटौंडा उपमहानगरपालिकाका जनस्वास्थ्य निरीक्षक भोला चौलागाईले जानकारी दिनुभयो । यस्तै, बालमैत्री घोषणा भइसकेको बकैया गाउँपालिकामा १७ जना २० वर्षभन्दा कम उमेरमै आमा बनेका छन् । बालमैत्री घोषणा अभियानमा रहेका भीमफेदी र मकवानपुरगढी गाउँपालिकामा २२ जना २० वर्ष नपुग्दै आमा बनेका छन् ।
