हेटौंडाः नेपाल जेसीजको उपाध्यक्षमा निर्वाचित हुनुभएकी रश्मि बस्नेतलाई सोमबार हेटौंडामा स्वागत सम्मान गरिएको छ । पर्यटकीय नगरी पोखरामा आइतबार सम्पन्न नेपाल जेसीजको ४८ औं महाधिवेशनबाट उपाध्यक्षमा निर्वाचित हुनुभएकी बस्नेतलाई जेसीआई हेटौंडा लेडीले सोमबार हेटौंडामा स्वागत सम्मान गरेको हो ।
जेसीआई हेटौंडा लेडीको वर्ष २०१२ की अध्यक्ष समेत रहनुभएकी बस्नेतलाई दोसल्ला ओढाएर सम्मान गर्नुका साथै कार्यकालको सफलताको शुभकामना प्रदान गरिएको थियो । जेसीआई हेटौंडा लेडीकी अध्यक्ष प्रतिमा श्रेष्ठले शाखाको पूर्वअध्यक्षलाई राष्ट्रिय उपाध्यक्ष बनाउन सवैको साथ र सहयोगमा सफल भएको बताउनुभयो । राष्ट्रिय उपाध्यक्ष हुनुभएकी बस्नेतले मकवानपुरका सवै शाखाका अध्यक्ष र प्रतिनिधिको साथ र सहयोगले आफू विजयी हुन सफल भएको बताउनुुभयो । बस्नेतको स्वागत, सम्मान कार्यक्रममा जेसीआई हेटौंडाका अध्यक्ष लिसेन बस्नेत, जेसीआई बसामाडीका अध्यक्ष गौतम केसीको पनि उपस्थिति रहेको थियो ।
