कानुन विषयमा स्नातक तह सञ्चालनको तयारी गरिरहेको सिद्धार्थ मावि ।

हेटौंडाः बागमती प्रदेशको राजधानी हेटौंडामा पनि कानुन विषय अध्ययनका लागि विद्यार्थीको रुचि बढेको छ । हेटौंडा—२ स्थित सिद्वार्थ माविमा कक्षा ११ र १२ मा कानुन संकायमा अध्यापन सुरु भएसँगै अध्ययनका लागि विद्यार्थीको रुचि बढेको सिद्वार्थ माविका प्रधानाध्यापक मोहनप्रसाद शर्माले बताउनुभयो ।

कानुन विषय अध्यापन हुने बस्तीपुरमा रहेको निर्मल माविमा पनि कक्षा ११ र १२ मा कानुन संकाय पढ्ने विद्यार्थीको संख्या बढेको बताइएको छ । कानुन संकायमा विद्यार्थीको रुचि बढेपछि विद्यालय तथा विद्यार्थीहरुले मकवानपुरका क्याम्पसहरुलाई स्नातक तहमा कानुन संकाय अध्यापन सुरुवात गर्न आग्रह गरेका थिए ।

मकवानपुर जिल्लामा कानुन संकायको स्नातक तहको अध्यापन नहुँदा कक्षा १२ पास गरेका विद्यार्थीलाई कहाँ पढ्ने भन्ने अन्यौता हुने गरेको छ । कानुन संकायमा स्नातक तह अध्ययनका लागि बुटवल जानुपर्ने बाध्यता विद्यार्थीलाई परेको शर्माले बताउनुभयो । जसले विद्यार्थीलाई मानसिक तनाव सिर्जना हुने गरेको बताउनुभयो ।

खानपान, रहनसहन र हावापानीअनुसार पनि विद्यार्थीलाई प्रभाव परेको शर्माले बताउनुभयो । कोठा भाडामा बस्न आर्थिक समस्या हुने र परिवारसँग अलग भएर बस्नुपर्ने कारण विद्यार्थीलाई स्नातक तह अध्ययनका लागि समस्या हुने गरेको उहाँले बताउनुभयो । तर विद्यार्थीले कानुन संकायमै अध्ययनका लागि निरन्तर चासो देखाएकोले हेटौंडामै कानुन विषयको स्नातक तहको पठनपाठन गराउन माग गरिएको उहाँले जानकारी दिनुभयो ।

विविध कारणले जिल्लामा कानुन विषय अध्यापन हुन सकेको थिएन । सिद्वार्थमै आर्थिक वर्ष २०७८÷७९ मा स्नातक तहमा एलएलबी विषय अध्ययन हुने शर्माले बताउनुभयो । हेटौंडा—१ स्थित चौकीटोलमा रहेको सिद्वार्थ मावि ब्लाक ‘ग’मा स्नातक तहमा बीए एलएलबी पठनपाठन हुने शर्माले जानकारी दिनुभयो ५० या १०० जना सिटमा विद्यार्थीलाई समेट्ने भन्ने विषय भने टुंगो नभएको बताउनुभयो । क्याम्पसले भने एक सय जना विद्यार्थीको सिटका लागि प्रस्ताव गरिएको बताउनुभयो ।

स्तानक तहमा कानुन विषय अध्ययन गर्न चाहने विद्यार्थीका लागि उपमहानगरले अभिभाकत्व ग्रहण गनेै शिक्षा विकास महाशाखाका शिक्षा अधिकृत रामचन्द्र खड्काले बताउनुभयो । कानुन विषय अध्ययन गर्ने विद्यार्थीका गतिविधि तथा कार्यक्रम सञ्चालनका लागि उपमहानगरले अभिभावकत्व ग्रहण गर्नुपर्ने उहाँले बताउनुभयो । उपमहानगरको समन्वय तथा निगरानी र लुम्बिनी विश्वविद्यालयसँग सहकार्यमा स्नातक तहमा बीएएलएलबी विषय अध्ययन हुने बताउनुभयो ।

स्थानीय तहको समझदारी तथा अनुमतिबिना कानुन विषय अध्यापन गर्न पाइँदैन । अध्यापनका निम्ति सम्झौता भएपनि केही प्रक्रियाका कारण पठनपाठन कार्य अघि बढाउन समय लाग्ने शर्माले बताउनुभयो । बीएएलएलबी विषय अध्ययन ५ वर्षको कोर्ष हुन्छ । उपमहानगरले पनि आफ्ना क्षेत्र तथा पालिका आसपासमा रहेका विश्वविद्यालयले कानुन संकायको बीए एलएलबीमा अध्ययन गर्न चाहने विद्यार्थीको अभिभाकत्व ग्रहण गर्ने मंसिर १६ गते बसेको बोर्ड बैठकले निर्णय गरेको जनाएका थिए ।