हेटौंडाः हेटौंडाको हुप्राचौरमा जारी अन्तरपालिका जिल्लास्तरिय पुरुष फुटबल प्रतियोगितामा आज अन्तिम सेमिफाइनल खेल हुने भएको छ । आज दिउँसो २ बजे हेटौंडा उपमहानगरपालिका र बागमती गाउँपालिका फाइनल प्रवेशको लागि भिड्दैछन् ।
यसअघि थाहा नगरपालिका फाइनल प्रवेश गरिसकेको छ । जिसस मकवापनुरको आयोजनामा भएको फुटबल प्रतियोगिताको फाइनल खेलमा आजको सेमिफाइनलको विजेतासँग थाहा नगरले प्रतिस्पर्धा गर्नेछ । प्रतियोगिताको विजेताले २ लाख र उपविजेताले १ लाख रुपैयाँ प्राप्त गर्नेछ ।
