हेटौंडाः रोटरी क्लब अफ मकवानपुरका संस्थापक अध्यक्ष ज्ञानकृष्ण प्रजापतिले जन्मदिनको अवसरमा मानवसेवा आश्रम हेटौंडामा आश्रितलाई खाना खुवाउनुभएको छ ।
सोमबार जन्मदिनको अवसरमा प्रजापतिले हेटौंडा–९ स्थित मानवसेवा आश्रममा आश्रितलाई बिहानको खाना सहयोग गर्नुभएको हो । कार्यव्यस्तताका कारण काठमाडौंमा रहनु भए पनि प्रजापतिले रोटरी क्लब अफ मकवानपुरमार्फत नै खाना खुवाउने व्यवस्था मिलाउनुभएको रोटरी क्लब अफ मकवानपुरका निवर्तमान अध्यक्ष कविन सांगामीले जानकारी दिनुभएको छ ।
