हेटौैंडाः मकवानपुरको हेटौंडादेखि काठमाडौँ जोड्ने छोटो दुरीका भीमफेदी–कुलेखानी सडकखण्डमा कार दुर्घटना भएको छ । आज शुक्रबार बिहान साँढे ८ बजेको समयमा काठमाडौँबाट हेटौैैंडातर्फ आउँदै गरेकोे बा २ ज ४१४२ नम्बरकोे कार भीमफेदी–६ सडकखण्डमा दुर्घटना भएको हो ।
कार दुर्घटनामा कार चालक र २ जना सवारसहित ३ जना घाइते भएकोे इलाका प्रहरी कार्यालय भीमफेदीका प्रहरी जवान बुद्धि पौडेलले जानकारी दिनुभयो । कार दुर्घटना हुँदा उनीहरु सामान्य घाइते भएको र अहिले हेटौंडा अस्पतालमा उपचार भइरहको प्रहरी जवान पौडेलले बताउनुभयो ।
