हेटौंडाः मकवानपुरमा राष्ट्रिय जनगणना अन्तर्गत भाद्र ३० गते असोज १८ गतेसम्म घर तथा घरपरिवार सुचिकरण गर्न १४१ जना सुपरिवेक्षक खटाइएको छ । मेरा गणना मेरो सहभागिता भन्ने नाराका साथ राष्ट्रिय जनगणनामा सबैको सहभागिता हुनुपर्ने प्रदेश जनगणना कार्यालय हेटौंडाका प्रमुख राजेश दासले बताउनुभयो ।
जिल्लामा असोज १८ गतेसम्म घरपरिवार सुचिकरण सम्पन्न गर्ने गरी काम भइरहेको उहाँले बताउनुभयो । घर तथा घरपरिवार सुचिकरण गर्न सुपरिवेक्षकले २० वटा प्रश्नहरु सोध्ने गरेका छन् । सुपरिवेक्षकले जनगणनाको लागि कृषि तथा बैक खाता, ऋण लगायतको बारेमा पनि सोध्नेछन् । मकवानपुरको जनगणना गर्न ५ सय ३७ जना गणकहरु खटाउने तयारी भएको छ ।
