हेटौंडाः देशकै पहिलो साक्षर प्रदेशको रुपमा बागमती प्रदेशलाई घोषणा गरिएको छ । ९५ प्रतिशतभन्दा बढी १५–६० वर्ष उमेरसमूहका नागरिक बागमती प्रदेशमा साक्षर भएको बताउँदै बागमती प्रदेशको मुख्यमन्त्री अष्टलक्ष्मी शाक्यले साक्षर प्रदेश घोषणा गर्नुभएको हो ।
२०७१ सालमा बागमती प्रदेशको सिन्धुपाल्चोक जिल्लालाई साक्षर जिल्ला घोषणा भएसँगै प्रदेशको १३ जिल्ला घोषणा भइसकेको छ । बागमती प्रदेशमा १५–६० वर्ष उमेर समूहका ४५ हजार ३ सय ४५ जना अझै निरक्षर रहेको शिक्षा विकास निर्देशनालय बागमती प्रदेशको निर्देशक चन्द्रप्रसाद लुइटेलले जानकारी दिनुभयो ।
