हेटौंडाः नेपाली कांग्रेस मकवानपुरको जिल्ला कार्यसमिति सदस्य हेटौंडा–९ का ५० बर्षिय मिलन परियारको मृत्यु भएको छ । परियारको कोरोनाको कारण शनिबार राति पाटन अस्पतालमा मृत्यु भएको हो ।
कोरोना संक्रमण भएपछि उपचारको लागि भरतपुर लगिएको र भरतपुरबाट पाटन अस्पताल रेफर गरेर लगिएको थियो । उपचारको क्रममा परियारको मृत्यु भएको कांग्रेस हेटौंडा उपमहानगर सभापति आनन्दराम पराजुलीले बताउनुभयो । उहाँका अनुसार पहिले परियारमा मुटुसम्बन्धी रोग थियो भने अहिले कोरोनाको कारण समस्या भएपछि उपचारको लागि पाटनसम्म पुर्याइएको थियो ।
