हेटौंडाः लायन्स क्लब अफ हेटौंडा सिटीको अध्यक्षमा नेत्रप्रसाद खतिवडा चयन हुनुभएको छ । गत शनिबार भएको क्लबको बैठकले खतिवडालाई अध्यक्षमा सर्वसम्मत चयन गरेको हो ।
बैठकले क्लबको प्रथम उपाध्यक्षमा मेनुका पाठक, द्वितीय उपाध्यक्षमा बिना श्रेष्ठ, तृतीय उपाध्यक्षमा सीतादेवी भेटवाल चयन हुनुभएको छ । यस्तै सचिवमा तेजराज अधिकारी र कोषाध्यक्षमा सञ्जीव तिमल्सिना चयन हुनुभएको छ ।
अन्तर्राष्ट्रिय स्वयम्सेवी संस्थाको रुपमा लायन्स क्लब संसारभर स्थापित छन् । लायन्स क्लबको अन्तर्राष्ट्रिय सञ्जालको सदस्यको रुपमा मकवानपुर जिल्लामा ३० भन्दा बढी लायन्स क्लबहरु क्रियाशील छन् । लायन्स क्लबले विभिन्न सामाजिक सेवाका कार्य गर्दै आएका छन् ।
