हेटौंडाः मकवानपुरको बकैया गाउँपालिकामा मानव कंकाल फेला परेको छ । बकैया–४ स्थित लालीगुराँस सामुदायिक वनमा मानव कंकाल फेला परेको हो ।
स्थानीयले वनमा कंकाल देखेपछि प्रहरीलाई खबर गरेको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक जयश्वर रिमालले जानकारी दिनुभयो । उहाँका अनुसार बुधबार विहान ८ बजे स्थानीयले कंकाल देखेका थिए । उक्त कंकालबारे अनुसन्धान सुरु भएको उहाँले जानकारी दिनुभयो ।
