हेटौंडाः हेटौंडा उपमहानगरपालिका–१२ को बेलडाँडाबाट गोठदमार हुँदै मनहरी–१, चकरी मकरी जोड्ने २ सय मिटर सडकको उद्घाटन भएको छ । शनिबार हेटौंडा उपमहानगरपालिकाका मेयर हरिबहादुर महतले सडकको उद्घाटन गनुृभएको हो ।
हेटौंडा उपमहानगरपालिकाको २४ लाख रुपैयाँ बजेटमा सडक निर्माण सम्पन्न भएको हेटौंडा–१२ का वडा अध्यक्ष ललितबहादुर घलानले जानकारी दिनुभयो । ओरालो भएका कारण सडकको अवस्था बिग्रिएपछि सडक ढलान गरिएको वडा अध्यक्ष घलानले बताउनुभयो । ६ मिटर चौडाईसहितको स्ल्याब ढलान गरी सडक निर्माण कार्य पहिला नै सम्पन्न भइसके पनि शनिबार उद्घाटन भएको हो ।
उद्घाटन कार्यक्रममा हेटौंडा उपमहानगरपालिकाका मेयर हरिबहादुर महत, मनहरी गाउँपालिका अध्यक्ष एकराज उप्रेती, हेटौंडा उपमहानगरपालिका वडा नम्बर १२ का वडा अध्यक्ष ललितबहादुर घलान, जिल्ला खेलकुद विकास समिति मकवानपुरका अध्यक्ष सानु लामा दोङलगायतको उपस्थिति रहेको थियो ।
