हेटौंडाः मकवानपुर प्रहरीले बिहीबार बिहान १४३ किलो ३ सय ग्राम लागूऔषध गाँजा बरामद गरेको छ । प्रहरीले मनहरीबाट हेटौडा आउँदै गरेको ना.१ ख ९९१० नम्बरको कन्टेनर गाडीको केविन भित्र चालक बस्ने सिट पछाडी फल्स बटम बनाई लुकाई छिपाई ल्याएको १२ वटा पोकामा लागुऔषध गाँजा १४३ किलो ३ सय ग्राम फेला पारेको हो ।
प्रहरीले गाडी चालक सिन्धुपाल्चोक बाह्बिसे नगरपालिका वडा नम्बर ५ सिगार्से बस्ने २८ वर्षीय सनक बहादुर तामाङ, सह–चालक वडा नम्बर ८ मानेश्वारा बस्ने बस्ने २४ वर्षीय सोमे तामाङ र सोही गाडिमा सवार मकवानपुर राक्सिराङ गाउँपालिका वडा नम्बर १ गल्छराङ बस्ने १८ वर्षीय सविन तामाङलाई लागुऔषध गाँजा र कन्टेनर गाडी सहित नियन्त्रणमा लिएको छ ।
उनीहरु माथि थप अनुसन्धान भइरहेको जिल्ला प्रहरी कार्यालय मकवानपुरको प्रहरी प्रवक्ता जयश्वर रिमालले जानकारी दिनुभयो ।
