हेटौंडाः मादक पदार्थ सेवन गरेर एम्बुलेन्स चलाउने चालकलाई प्रहरीले नियन्त्रणमा लिएको छ । जिल्ला प्रहरी कार्यालय चितवनले बुधबार दिउँसो ४ बजेर १५ मिनेटको समयमा एम्बुलेन्स चालकलाई पक्राउ गरेको जनाएको छ ।
चितवनको जुगेडीस्थित प्रहरी चौकीबाट खटिएको प्रहरी टोलीले सुरक्षाजाँचको क्रममा लमजुङ जिल्लाको मध्य नेपाल नगरपालिका–१० का २४ वर्षीय विकास मजाकोटीलाई मादक पदार्थ सेवन गरी एम्बुलेन्स चालएको अवस्थामा नियन्त्रणमा लिएको जनाएको छ ।
नमुना सामुदायिक विकास समिति लमजुङको ग २ च २००२ नम्बरको एम्बुलेन्समा बिरामीको लिएर जाँदै गर्दा विकासले मादक पदार्थसेवन गरेको पाइएको र प्रहरीले नियन्त्रणमा लिई आवश्यक कारवाही अगाडि बढाएको जनाएको छ ।
