हेटौंडाः हेटौंडाको भुटनदेवि माविमा सुरु भएको राष्ट्रिय सभाको उपनिर्वाचनमा मतदाताहरु आउने क्रम जारी रहेको छ ।
मतदानस्थलमा एमालेका उम्मेदवार गृहमन्त्री रामबहादुर थापासँगै बागमती प्रदेशका मुख्यमन्त्री डोरमणि पौडेल लगायत अन्य नेताहरु उपस्थित छन् । आ–आफ्नो नेताहरुलाई दलका प्रतिनिधिहरुले मतदाता नामावली खोज्न सहयोग गरिरहेका छन् ।
आज बागमती प्रदेशबाट प्रतिनिधित्व गर्ने राष्ट्रिय सभा सदस्यका लागि मतदान भइरहेको छ । सदस्यका लागि एमाले उम्मेदवार गृहमन्त्री रामबहादुर थापा, स्वतन्त्र उम्मेदवार डा. खिमलाल देवकोटा र नेमकिपाका कृष्ण बहादुर तामाङ मैदानमा छन् ।
