हेटौंडाः मकवानपुर प्रहरीले लागूऔषधसहित एकजनालाई पक्राउ गरेको छ । प्रहरीले सोमबार दिउँसो ३ बजेर ४५ मिनेटको समयमा हेटौंडा–९ बाट २५ वर्षीय सोबित तामाङलाई लागुऔषधसहित पक्राउ गरेको जनाएको छ ।
जिल्ला प्रहरी कार्यालय मकवानपुरबाट खटिएको प्रहरी टोलीले तामाङको साथबाट लागुऔषध डाईजेपाम १६ एम्पुल, फेनार्गन १६ एम्पुल, नुर्फिन १६ एम्पुल फेला परेको जिल्ला प्रहरी कार्यालयले मंगलबार जनाएको छ । प्रहरीले जिल्ला अदालतबाट म्याद थप गरेर तामाङलाई हिरासतमा राखी अनुसन्धान गरिरहेको छ ।
