हेटौंडाः मदन भण्डारी स्पोर्टस् एकेडेमी मकवानपुर जिल्ला कमिटीले मकवानपुरगढी गाउँपालिकामा कमिटी बिस्तार गरेको छ । खेलकुद क्षेत्रमा सक्रिय स्पोर्टस् एकेडेमीको गढी गाउँपालिका अध्यक्षमा विजय बजगाईं चयन हुनभएको छ ।
शुक्रबार मकवानपुरगढीमा भएको कमिटीको दोस्रो भेलाले बजगाईको नेतृत्वमा २४ सदस्यीय कमिटी गठन गरेको हो । कमिटीको उपाध्यक्षमा जयराम डिम्डुङ, सचिवमा स्वस्तिका न्यौपाने, सहसचिवमा अनिशा बन्जारा, कोषाध्यक्षमा सुमन हुमागाईं चयन हुनुभएको छ । त्यस्तै कमिटीको सदस्यहरुमा अस्मित अधिकारी, विकास थिङ, विजय लामा, सुरज लामा, पासाङ लो, रमेश तिमल्सिना, सन्तोष लम्साल, गोविन्द कंडेल, विष्णुप्रसाद न्यौपाने, दुर्गा न्यासुर, अनिशा चौरेल, सुनिल पाख्रिन, आशीष तिमल्सिना, करुणा दंगाल, कारसाङ योञ्जन, सुमन दहाल, स्वीकृति न्यौपाने, आशीष घलान र रञ्जन दुलाल चयन हुनुभएको छ ।
कार्यक्रमका प्रमुख अतिथि मदन भण्डारी स्पोर्टस् एकेडेमीका केन्द्रीय सदस्य नवीन सिग्देलले खेलकुदको माध्यमबाट युवाहरुलाई सामाजिक कार्यमा सक्रिय तुल्याउन स्पोर्टस् एकेडेमीको गठन भएको बताउनुभयो । गाउँ–गाउँमा खेलकुदका पूर्वाधारको विकास भएको बताउँदै केन्द्रीय सदस्य सिग्देलले खेलकुदमा अघि बढ्न चाहने युवाहरुलाई मदन भण्डारी स्पोर्टस् एकेडेमीले सहयोग र प्रोत्साहन गर्ने प्रतिबद्धता व्यक्त गर्नुभयो ।
कार्यक्रममा मकवानपुर जिल्ला खेलकुद विकास समितिका अध्यक्ष सानु लामा, मदन भण्डारी स्पोर्टस् एकेडेमी मकवानपुर जिल्ला अध्यक्ष प्रकाश सुवेदीलगायत गाउँपालिकाका खेलप्रेमी तथा खेलकुद क्षेत्रसँग जोडिएका युवाहरुको सहभागिता रहेको थियो ।
