हेटौंडाः बकैया अध्यक्ष कप फुटबल प्रतियोगितामा सोमबार क्वार्टरफाइनलको खेलहरु हुँदैछ ।
मकवानपुरको बकैया–४, स्थित जुरेलीमा सोमबार हुने पहिलो क्वार्टरफाइनल खेलमा बकैया वडा नम्बर १ र वडा नम्बर ६ प्रतिस्पर्धा गर्नेछन् । दोश्रो खेलमा वडा नम्बर ५ र वडा नम्बर ७ बिच भिडन्त हुने बकैया खेलकुद विकास समन्वय समितिका प्रशिक्षक विजय लामाले जानकारी दिनुभयो ।
बकैया खेलकुद बिकास समन्वय समितिको आयोजनामा शुक्रबारदेखि प्रतियोगिता सुरु भएको हो । बकैयाका १२ वटै वडाले सहभागिता जनाएका छन् । प्रतियोगिताको विजेताले वडा नगद १ लाख रुपैयाँ र उपविजेताले नगद ५० हजार रुपैयाँसहित शिल्ड, मेडल र प्रमाणपत्र प्राप्त गर्नेछन् । फाइनल खेल बिहिबार हुनेछ ।
