हेटौंडाः आजबाट चौथो बागमती गोल्डकप राष्ट्रिय फुटबल प्रतियोगिताको सुरु हुँदै छ । मकवानपुरको बागमती गाउँपालिका खेलकुद विकास समितिको आयोजनामा प्रतियोगिता सुरु हुने भएको हो । गोल्डकप फुटबलको उद्घाटन खेलमा आज दिउँसो २ बजे आयोजक टिम, बागमती खेलकुद विकास समिति र नव जनजागृती युवा क्लब सिमरा भिड्ने छन् ।
बागमती गोल्डकपमा थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुटस् एसोसिएसन क्याम्रुनले सहभागिता जनाएका छन् । खेलको विजेताले नगद ८ लाख रुपैयाँ र उपविजेताले नगद ४ लाख रुपैयाँ प्राप्त गर्ने छन् ।
