हेटौंडाः मकवानपुर होटल व्यावसयी संघले होटल तथा रेष्टुरेन्ट संघ कपिलवस्तुको टोलीलाई बुधबार हेटौंडामा स्वागत गरेको छ । मेची–महाकाली धार्मिक विकास र पर्यटन प्रवद्र्धन अभियान यात्राका क्रममा हेटौंडा आइपुगेको टोलीलाई स्वागत गरिएको हो ।
कपिलवस्तु होटल संघको अध्यक्ष गोपाल खत्रीलगायतको टोलीलाई मकवानपुर होटल व्यावसायी संघका अध्यक्ष शंकरलाल श्रेष्ठले स्वागत गर्नुभएको थियो । चैत ३ गतेबाट सुरु भएको मेची–महाकाली अभियानको टोलीलाई मकवानपुरको होटल व्यवसायको जानकारी गराउनुका साथै आफ्ना अनुभवहरु आदानप्रदान गरिएको थियो । अभियान चैत १४ गतेसम्म सञ्चालन हुनेछ ।
