हेटौंडाः आगामी फागुन १४ र १५ गते दोस्रो बकैया साहित्य महोत्सव हुने भएको छ । झरना साहित्यिक परिवार मकवानपुरले मंगलबार पत्रकार सम्मेलन गर्दै दोस्रो बकैया साहित्य महोत्सवको मिति सार्वजनिक गरेको हो ।
झरना साहित्यिक परिवार मकवानपुरका सचिव मसान उपासकले बकैया–५, श्रीपुरस्थित प्रभात माध्यमिक विद्यालयमा महोत्सव हुने बताउनुभएको हो । झरना साहित्यिक परिवारले गत वर्षदेखि बकैया साहित्य महोत्सवको आयोजना गर्न थालेको हो । कार्यक्रममा विविध साहित्यिक गतिविधिका साथै विभिन्न स्रष्टाहरुलाई सम्मान गरिने बताइएको छ ।
