हेटौंडाः मकवानपुर उद्योग वाणिज्य संघको ५४ औं वार्षिक सभा तथा निर्वाचन कार्यक्रम आगामी चैत २१, २२ र २३ गते हुने भएको छ । चैत २१ गते उद्घाटन सत्र आयोजना गरिनेछ ।
चैत २२ गते उम्मेदवारी दर्ता, मतदाता नामावली तथा उम्मेदवार नामावली प्रकाशन गरिने संघले जनाएको छ । त्यसैगरी चैत २३ गते मतदान कार्यक्रम हुनेछ । मतदान कार्यक्रम सम्पन्न भएलगत्तै मतगणना हुनेछ । अन्तिम मतपरिणाम घोषणा भएको ३ दिन भित्र पद हस्तान्तरण तथा सपथ ग्रहण गर्ने संघको प्रचलन रहेको छ ।
