हेटौंडाः मकवानपुर प्रहरीले एक जना फरार प्रतिवादीलाई पक्राउ गरेको छ । जिल्ला अदालत मकवानपुरको २०७३ बैशाख २३ गतेको फैसलाले सार्वजनिक अपराध मुद्दामा पाँच हजार रुपैयाँ जरिवाना भुक्तान गर्न बाँकी रहेका भीमफेदी गाउँपालिका–३ का २७ वर्षीय सोम लामा भन्ने सोम बहादुर लामालाई बिहीबार पक्राउ गरी जरिवाना भुक्तानका लागि जिल्ला अदालत मकवानपुरमा उपस्थित गराएको प्रहरी नायव उपरीक्षक ईन्द्र बहादुर रानाले जानकारी दिनुभएको छ ।
यसअघि माघ महिनामा मात्रै १० जना फरार प्रतिवादीहरुलाई मकवानपुर प्रहरी पक्राउ गरिसकेको छ ।
