हेटौंडाः जिल्ला प्रहरी कार्यालय मकवानपुरले बिहीबार मकवानपुरको कैलाश गाउँपालिकामा २० विगाहा क्षेत्रफलमा लगाएको गाँजा खेती नष्ट गरेको छ ।
प्रहरी नायव उपरीक्षक ईन्द्र बहादुर रानाको कमाण्डमा बागमती प्रदेश प्रहरी कार्यालय, प्रहरी गण रातोमाटे र दंगा नियन्त्रण प्रहरी गणबाट खटिएको ७० जनाको संयुक्त प्रहरी टोलीले कैलाश गाउँपालिका वडा नं. ३ र ८ को कोथलिटार, फास्टार, कुनिले लगायतका विभिन्न स्थानहरुमा गरी २० विगाहामा लगाइएको लागुऔषध गाँजा खेति फँडानी गरी नष्ट गरेको प्रहरीले जनाएको छ ।
