हेटौंडाः हेटौंडाको हुप्रचौरमा जारी भेट्रान्स कप ८ ए साइड फुटबल प्रतियोगिताको सेमीफाइनल समीकरण पूरा भएको छ ।
सेमीफाइनलमा बगरभाई खलक पोखराले चावहिल भेट्रान्स काठमाडौंसँग खेल्ने छ । यस्तै अर्को सेमीफाइनल खेलमा सानो गौचरण भेट्रान्स काठमाडौंले हेटौंडा भेट्रान्स सुपरसँग खेल्नेछ । सेमीफाइनल खेलहरु शुक्रबार र फाइनल खेल शनिबार हुनेछ ।
बिहीबार भएको खेलमा चावहिल भेट्रान्सले डिल्लीबजार भेट्रान्सलाई, सानोगौचरण भेट्रान्स काठमाडौंले जोरपाटी भेट्रान्स काठमाडौंलाई, हेटौंडा भेट्रान्स सुपरले हेटौंडा फुटसल भेट्रान्सलाई र बगरभाई खलक पोखराले हेटौंडा भेट्रान्स रातोलाई पराजित गर्दै सेमीफाइनलमा प्रवेश गरेको हो ।
