हेटौंडाः भुक्तानीको माग गर्दै काठमाडौंमा आन्दोलन गर्न पुगेका सर्लाहीका उखु किसान नारायण भगत यादवको निधनप्रति दुःख व्यक्त गर्दै यादवको परिवारलाई क्षतिपूर्तिको मागसहित हेटौंडामा दीप प्रज्ज्वलन गरिएको छ । स्वतन्त्र नागरिक अभियानको पहलमा बिहीबार साँझ हेटौंडा–८, कमानेको नीमचोकमा दीप प्रज्ज्वलन गरिएको हो ।
सर्लाहीका उखु किसान यादवको गत मंगलबार बिहान काठमाडौंमा मृत्यु भएको हो । विवेकशील साझा दलकी नेतृ समेत रहनुभएकी प्रतिभा डंगोलको अगुवाईमा दीप प्रज्ज्वलन गरिएको हो । किसानको हितमा सरकारलाई काम गर्न दबाव दिने र दुखद् घटनाप्रति शोक व्यक्त गर्दै सरकारलाई दबाव समेत दिन दीप प्रज्ज्वलन गरिएको डंगोलको भनाइ छ ।
