हेटौंडाः नारायणी बहुउद्देश्यीय सहकारी संस्थाले आफ्नो २४ औं वार्षिक साधारण सभा तथा रजत महोत्सवको अवसरम गर्ने साताव्यापी कार्यक्रमहरु सार्वजनिक गरेको छ । बुधबार हेटौंडामा पत्रकार सम्मेलन गर्दै भोलिबाट सप्ताव्यापी कार्यक्रम गर्ने सहकारीका अध्यक्ष रामहरी न्यौपानेले जानकारी दिनुभयो ।
सहकारीले सरसफाई कार्यक्रम, नगर स्तरीय मावि तह वक्तृत्वकला, रक्तदान तथा बृद्धाबृद्धा सम्मान, बृक्षारोपण, सहकारीको सदस्हरु र संस्थाको संचालकका कर्मचारी बिच सेभेन ए साइड फुटबल प्रतियोगिता, खाद्य सामाग्री वितरण तथा समापन कार्यक्रम गर्ने भएको सहकारीका अध्यक्ष न्यौपानेले जानकारी दिनुभयो । पत्रकार सम्मेलनमा हेटौंडा ९ का वडाअध्यक्ष लक्ष्मणप्रसाद भण्डारी, सहकारीका उपाध्यक्ष जंग बहादुर गुरुङ लगायतको उपस्थिति रहेको थियो ।
