हेटौंडाः बागमती प्रदेशको राजधानी हेटौंडामा राजतन्त्रको माग गर्दै आज बृहत मोटरसाइकल र्याली भएको छ । राष्ट्रिय प्रजातन्त्र पार्टी (राप्रपा) ले आज र्यालीको आयोजना गरेको हो ।
पार्टी कार्यालयबाट सुरु भएको र्याली हेटौंडाको कान्तिराजपथ हुँदै, पारिजातपथ, मेनरोड, टिसिएन, राप्तिरोड, बुद्ध चोक हुँदै सिमा चोकमा पुगेर कोणसभामा परिणत भएको थियो ।
र्यालीले राजतन्त्रको माग गर्दै, हिन्दु राष्ट कायम गर, संघीयता खारेज गर, हाम्रो राजा हाम्रो देश, राजा आउ देश बचाउ नारा लगाएर राजतन्त्र नेपालमा फर्कने संकेत गरेका छन् ।
