हेटौंडाः बारा जिल्लाको सिमरामा जारी भेट्रान्स फुटबल प्रतियोगितामा हेटौंडाको हेटौंडा फुटसल भेट्रान्स फाइनलमा प्रवेश गरेको छ । बिहीबार भएको खेलमा डुमारवाना भेट्रान्सलाई पराजित गर्दै फाइनल प्रवेश गरेको हो ।
सेमीफाइनलमा डुमारवानालाई २–१ गोलअन्तरले पराजित गर्दै हेटौंडा फाइनलमा प्रवेश गरेको हो । यसअघि हेटौंडा फुटसल भेट्रान्सले बुधबार जैतापुर भेट्रान्सलाई ५–० गोलअन्तरले पराजित गर्दै सेमीफाइनल प्रवेश गरेको थियो । विभिन्न जिल्लाका १२ वटा टिम सहभागी प्रतियोगितामा प्रथम हुने टिमले नगद ३० हजारसहित शिल्ड, मेडल र प्रमाणपत्र प्राप्त गर्नेछ भने दोस्रो हुने टिमले नगद २० हजारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।
