हेटौंडाः नेपाली कांग्रेस मकवानपुरको पार्टी कार्यालय हेटौंडामा आयोजना गरिएको रक्तदान कार्यक्रममा २५ जनाले रक्तदान गरेका छन् । कांग्रेस खेलकुद विभागले आयोजना गरेको रक्तदान कार्यक्रममा नेपाली कांग्रेस मकवानपुरका कार्यवाहक सभापति विष्णुप्रसाद लामिछानेको प्रमुख आतिथ्य रहेको थियो ।
रक्तदान कार्यक्रम रक्तसञ्चार केन्द्र हेटौंडाको प्राविधिक सहयोगमा गरिएको थियो । हालको अवस्थामा मकवानपुरमा रगतको अभाव नभएको रक्तसंचार केन्द्र हेटौंडाका प्राविधिक विष्णु रिमालले बताउनुभयो । हरेक हप्ता रक्तदान कार्यक्रम आयोजना भइरहेकोले रगतको अभाव हुन नदिएको उहाँको भनाइ छ ।
