हेटौंडाः हेटौंडाबाट प्रदेश सांसद दिपक मनाङ्गेको श्रीमती पक्राउ परेको छ । मंगलबार जिल्ला प्रहरी कार्यालय मकवानपुरले हेटौंडामा पक्राउ गरेकोे हो । गण्डकीे प्रदेश सांसद दिपक मनाङ्को श्रीमतीलाई कास्की जिल्ला अदालतले पक्राउ अनुमति दिएसँगै प्रहरीले देशभर ब्यापक खोजी गर्दा हेटौंडाबाट पक्राउ परेको जिल्ला प्रहरी कार्यालय मकवानपुरका प्रहरी नायब उपरीक्षक ईन्द्रबहादुर रानाले जानकारी दिनुभयो ।
माइती आएकी उनलाई जिल्ला प्रहरी कार्यालय मकवानपुरले नियन्त्रणमा लिएको हो । चोरी मुद्धामा फरार भएकी सांसद मनाङ्गको श्रीमतीलाई हेटौंडाबाट पक्राउ गरेर कास्की जिल्ला अदालतमा उपस्थिति गराउन पठाइएको प्रहरी नायब उपरीक्षक रानाले बताउनुभयो ।
