हेटौंडाः हेटौंडा–६, चौघडास्थित वंशगोपाल माविमा प्राथमिक तहमा अध्ययनरत विद्यार्थीलाई हाइजिन किट वितरण गरिएको छ ।चाइल्ड रेस्क्यु नेपालसँगको सहकार्यमा एस्थर बेञ्जामिन स्मृति संस्थाले मङ्गलबार १ कक्षादेखि ३ कक्षासम्म अध्ययनरत ९० जना विद्यार्थीलाई सरसफाईका सामग्रीको प्याकेट ‘हाइजिन किट’ वितरण गरेको हो ।
साथै विद्यालयलाई १० लिटर स्यानिटाइजर, १० लिटर लिक्विड ह्याण्डवास पनि प्रदान गरेको एस्थर बेञ्जामिन स्मृति संस्थाका जिल्ला परियोजना व्यवस्थापक बुद्ध लामाले जानकारी दिनुभएको छ ।कोरोना भाइरस सङ्क्रमणको जोखिमको समयमा बालबालिकालाई सफासुघ्घर रहन आवश्यक सामग्री हस्तान्तरण गरिएको लामाको भनाइ छ । यसअघि एस्थर बेञ्जामिन स्मृति संस्थाले शुद्ध पिउनेपानीको व्यवस्थापन गरेको थियो ।
