हेटौंडाः मकवानपुर जिल्लाको भीमफेदी गाउँपालिकास्थित दुईवटा विद्यालयलाई प्रयोगशालाका सामग्री हस्तान्तरण गरिएको छ । सामुदायिक विकास संस्था नेपालले सोमबार विज्ञान र गणित विषयको प्रयोगशालाका सामग्रीहरु हस्तान्तरण गरेको हो ।
प्लान ईन्टरनेशनल नेपालको सहयोगमा सामुदायिक विकास संस्था नेपालले भीमफेदी गाउँपालिका–६ स्थित महेन्द्र माविलाई गणित प्रयोगशाला र भीमफेदी–५ स्थित महालक्ष्मी माविलाई विज्ञान प्रयोगशालाका लागि आवश्यक सामग्री सहयोग गरेको हो । भीमफेदी गाउँपालिकाका अध्यक्ष हिदम लामाको उपस्थितिमा दुईवटै विद्यालयलाई ५-५ लाख रुपैयाँ बराबरको प्रयोगशाला सामग्री हस्तान्तरण गरिएको सामुदायिक विकास संस्था नेपालका अध्यक्ष जंगबहादुर बिकले जानकारी दिनुभएको छ ।
