हेटौंडाः मकवानपुरको विकट राक्सिराङ गाउँपालिकामा गएराति पौने ११ बजेको समयमा डकैती भएको छ । राक्सिराङ गाउँपालिका–१ घलेगाउँमा डाँका लागेको वडा नम्बर १ का वडाअध्यक्ष कान्छाराम रुम्बाले बताउनुभयो । स्थानीय भीमबहादुर घलेको घरमा हतियारसहित आएका ३ जना डाँकाहरुले नगद १ लाख १५ हजार रुपैयाँ, करुवा पनि लुटेर लगेको वडाअध्यक्ष रुम्बाले बताउनुभयो ।
लुटपाट भएपछि ११ बजेर ५ मिनेटमा राति नै आफुलाई फोन सम्पर्क आएको उहाँले बताउनुभयो । उहाँले चैनपुर चौकि र मनहरी इलाकामा मौखिक रुपमा खबर पनि गरेको जानकारी दिनुभयो । प्रहरी भने घटनास्थलमा पुगेको छैन । यता जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक ईन्द्रबहादुर रानाले भने घटना भएको खबर नआएको बताउनुभयो । यसबारेमा प्रहरीले जानकारी लिने उहाँले बताउनुभयो ।
