हेटौंडाः हेटौंडा–५, पिप्लेमा निर्माणाधीन बहुउपयोगी कभर्ड हल लागि ६५ हजार १० रुपैयाँ बराबरको रंगरोगनका सामान र नगद रकम प्राप्त भएको छ । व्यवसायी कृष्णबहादुर कार्कीले ५० हजार रुपैयाँ बराबरको रंगरोगनका सामानहरु सहयोग गर्नु भएको छ । त्यसैगरी राष्ट्रिय खेलकुद परिषद्का वरिष्ठ बक्सिङ प्रशिक्षक ध्रुवलाल श्रेष्ठले १० हजार रुपैयाँ विक्रम श्रेष्ठ मार्फत सहयोग गर्नु भएको छ ।
ध्रुवलाल श्रेष्ठले यसअघि पनि क्लबलाई सहयोग गर्नु भएको थियो । त्यस्तै पुष्कर सुवेदीले पनि ५ हजार १० रुपैयाँ सहयोग गर्नुभएको पिप्ले युवा क्लबका अध्यक्ष सुशील घिमिरेले जानकारी दिनुभएको छ । निर्माणाधीन बहुउपयोगी कभर्डहलका लागि हरेक दिनजसो प्राप्त हुने यस्तै सहयोगबाट कभर्डहलको निर्माण कार्य अन्तिम चरणमा पुगेको पिप्ले युवा क्लबका अध्यक्ष सुशील घिमिरेले बताउनुभएको छ । पिप्ले युवा क्लबको अग्रसरतामा बहुउपयोगी कभर्डहल निर्माण भएको हो ।
