हेटौंडाः बागमती प्रदेशको मुख्यमन्त्री डोरमणि पौडेलले “टन्सिलले बिगारेको मुटु” नामक पुस्तक आज बिमोचन गर्नुभएको छ । उहाँले एक कार्यक्रमका बिच पुस्तक बिमोचन गर्नुहुँदै यो पुस्तक फलदायी र उपलब्धीमुलक रहेको बताउनुभयो ।
स्वास्थ्य सम्बन्धी स–सना कुरामा ध्यान दिन नसक्दा भविष्यमा जटिल समस्या आइपर्ने गरेको उहाँले बताउनुभयो । स्वास्थ्य क्षेत्रमा समस्या, कमिकमजोरी भएपनि बागमती प्रदेशको राजधानी हेटौंडा भइसकेपछि हरेक किसिमको सेवाको लागि बाहिर जान नपरोस् भन्ने ढंङ्गले स्वास्थ्य क्षेत्रमा अहिले काम भइरहेको मुख्यमन्त्री पौडेलले बताउनुभयो ।
बागमती प्रदेशको स्वास्थ्य अवस्था सुधारोन्मुख भएको उहाँको भनाई छ । त्यस्तै “टन्सिलले बिगारेको मुटु” पुस्तकका लेखक डा. प्रकाश राज रेग्मीले टन्सिलको कारणले मुटु बिग्रन्छ भन्ने सन्देश पुस्तकले दिएको बताउनुभयो । यसबाट बच्च सकिने कुरा पुस्तकमा उल्लेख गरिएको बताउनुभयो । मुटु रोग रोकथामको काम सरकारले अझै प्रभावकारी रुपले गर्नुपर्ने उहाँले बताउनुभयो । लेखक रेग्मीले मुटु रोग रोकथामको उपचार गार्हो भएकोले सरकारले यसलाई आफ्नो नितिमा राख्न पनि अनुरोध गर्नुभएको छ ।
नेपाल मुटुरोग निबारण संस्थाले प्रकाशन गरेको उक्त पुस्तक आज मुख्यमन्त्री पौडेलले बिमोचन गर्नुभएको हो । पुस्तक बिमोचन कार्यक्रममा बागमती प्रदेशको मदन भण्डारी स्वास्थ्य विज्ञान प्रतिष्ठानका उपकुलपति प्रा.डा. विश्वराज जोशी, नेपाल मुटुरोग निबारण संस्था मकवानपुरका अध्यक्ष हरिबंश भेटवाल, लेखक डा. प्रकाश राज रेग्मीको उपस्थिति थियो ।
