हेटौंडाः नेपाली हाँस्यव्यङ्ग्य साहित्यका अग्रज व्यक्तित्व स्वर्गीय भैरव अर्यालको आज ८५ औं जन्मजयन्ती । भैरव अर्यालको जन्मजयन्तीको अवसरमा हेटौंडा–५, पुष्पलाल पार्कस्थित भैरव अर्यालको प्रतिमामा साहित्य संगम मकवानपुरको आयोजनामा माल्यार्पण कार्यक्रम गरिएको छ ।
भैरव अर्यालको सम्मानमा उहाँको अर्धकदको प्रतिमामा माल्यार्पण गरिएको छ । साहित्य संगम मकवानपुरका अध्यक्ष निमेष निखिलसहित साहित्यकारहरुको एक समूहले भैरव अर्यालको प्रतिमामा माल्यार्पण गरी उहाँप्रति सम्मानभाव व्यक्त गरेका छन् । भैरव अर्यालको सम्मानमा साहित्य संगमले नै अर्धकदको प्रतिमा निर्माण गरेको हो ।
