हेटौंडाः अत्याधिक मादक पदार्थ सेवन गरेर चलाएको कुखुरा बोक्ने जिप चौकिटोलमा दुर्घटना भएको छ । हेटौंडा–२ चौकिटोलमा निर्मार्णाधीन भाटभटेनी सुपरमार्केट अगाडि अहिले ९ बजे दुर्घटना भएको हो । भाटभटेनीको ना १ ख ५५१० नम्बरको ट्रकलाई मादक पदार्थ सेवन गरेर चलाएको ना ४ च. १६११ नम्बरको कुखुरा बोक्ने जिपले ठक्कर दिएको हो ।
दुर्घटनामा परी मादक पदार्थ सेवन गरेर सवारी हाक्ने कुखुरा बोक्ने जिपका चालकको हातमा समान्य चोट आएको प्रहरीले जनाएको छ । घटनाबारे थप जानकारी केही बेरमा आउने जिल्ला प्रहरी कार्यालय मकवानपुरले जनाएको छ ।
