हेटौंडाः नेपाल रेडक्रस सोसाइटीको ५८ औं स्थापना दिवसको सन्दर्भमा आज हेटौंडा–८ स्थित क्वारेन्टिनलाई कम्बल, झुल र हात धुनका लागि बाल्टी, फेस सेभ लगायतका सुरक्षा सामग्रीहरु हस्तान्तरण गरिएको छ ।
नेपाल रेडक्रस सोसाइटी मकवानपुर जिल्ला शाखा तथा हेटौंडा–८, कमाने उपशाखाको समन्वयमा सामग्री हस्तान्तरण गरिएको हो । नेपाल रेडक्रस सोसाइटी तदर्थ समितिका सदस्य प्रताप बिष्ट लगायत रेडक्रसकर्मीहरुको उपस्थितिमा ८ नम्बर वडाध्यक्ष गोपालबहादुर श्रेष्ठलाई सहयोग सामग्री हस्तान्तरण गरिएको नेपाल रेडक्रस सोसाइटी मकवानपुरका कोषाध्यक्ष पिताम्बर बास्तोलाले जानकारी दिनुभएको छ ।
