हेटौंडाः जेसीआई हेटौंडाको जेसीज सप्ताहको अवसरमा आयोजित बादविवाद प्रतियोगितामा अमृत बर्तौला, संगीत श्रेष्ठ र विवेक फुँयाल क्रमशः प्रथम, द्वितीय र तृतीय भएका छन् । जेसीआई हेटौंडाको जेसीज सप्ताह २०२० अन्तर्गत चौथो दिन मंगलबार बादविवाद प्रतियोगिताको आयोजना गरेको हो । कोभिड–१९ को महामारीका कारण जेसीआई हेटौंडाले जेसीज सप्ताहका सबै कार्यक्रम भर्चुअल माध्यमबाट गरिरहेको छ ।
जेसीआई हेटौंडाका अध्यक्ष राजदेव बनियाँको अध्यक्षता तथा जेसीआई हेटौंडाका पूर्वअध्यक्ष अशोक शाक्यको प्रमुख आतिथ्यमा बादविवाद कार्यक्रम भएको हो । प्रतियोगितामा जेसीआई हेटौंडाका पूर्व अध्यक्षहरु गणेश कुमार श्रेष्ठ, दीपकराज मिश्र र अरुण कुमार दाहालले निर्णायकको भूमिका निर्वाह गर्नुभएको थियो । जेसीआई हेटौंडाले जेसीज सप्ताहका सातै कार्यक्रम अनलाइनमार्फत गर्दैछ ।
