हेटौंडाः मकवानपुर जिल्लामा कार्यरत २८ जना प्रहरी कोरोना सङ्क्रमणमुक्त भएका छन् । सोमबार १६ जना प्रहरी कोरोना सङ्क्रमणमुक्त भएका हुन् । यसअघि १२ जना कोरोना सङ्क्रमणमुक्त भइसकेका थिए । सोमबारसम्ममा २८ जना प्रहरी कोरोना सङ्क्रमणमुक्त भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिनुभयो ।
सङ्क्रमणमुक्त भएका प्रहरी ड्युटीमा खट्न तयार रहेको पनि नायव उपरीक्षक रानाले बताउनुभयो । हालसम्म मकवानपुर जिल्लामा ४७ जना प्रहरीमा कोरोना सङक्रमण पाइएको छ । २८ जना कोरोना सङ्क्रमणमुक्त भएपछि अहिले मकवानपुर जिल्लामा १९ जना प्रहरी सक्रिय सङ्क्रमित छन् ।
