हेटौंडाः हेटौंडा–६, गौरीटारस्थित राष्ट्रिय खेलकुद परिषद्को स्वामित्वको रंगशालामा एक सय २० बेड क्षमताको आइसोलेसन कक्ष व्यवस्थापन गरिएको छ । कोरोना भाइरस सङक्रमितको उपचारका लागि मदन भण्डारी स्वास्थ्य विज्ञान प्रतिष्ठान, हेटौंडा अस्पतालद्वारा निर्माण गरिएको आइसोलेसन कक्षमा ८० बेड थप गरिने बताइएको छ ।
बागमती प्रदेशको राजधानी हेटौंडामा कोरोना भाइरस सङ्क्रमितको संख्या बढेसँगै हेटौंडा–४, कर्रास्थित ३५ बेडको आइसोलेसन वार्ड भरिएर कोरोना भाइरस सङ्क्रमितहरु घरमै बस्न बाध्य छन् । हेटौंडा उपमहानगरपालिका क्षेत्रमा मात्रै एक सय भन्दा बढी कोरोना भाइरस सङक्रमित भइसकेका छन् ।
