हेटौंडाः मकवानपुर जिल्ला तेक्वान्दो संघले आज हेटौंडास्थित जिल्ला खेलकुद विकास समिति परिसरमा रक्तदान कार्यक्रम आयोजना गरेको छ । मकवानपुर जिल्ला तेक्वान्दो संघका अध्यक्ष लालकाजी रत्न बज्राचार्यको सभाध्यक्षतामा भएको कार्यक्रममा हेटौंडा उपमहानगरपालिकाका मेयर हरिबहादुर महतको प्रमुख आतिथ्य रहेको थियो ।
कार्यक्रममा ४५ जनाले रक्तदान गरेको रक्तसञ्चार केन्द्रका प्रमुख टंक दहालले जानकारी दिनुभएको छ । कार्यक्रममा हेटौंडा उपमहानगरपालिका ४ नम्बर वडा अध्यक्ष नविन सिग्देल, जिल्ला खेलकुद विकास समिति मकवानपुरका अध्यक्ष सानुकुमार लामाको पनि उपस्थिति रहेको थियो । खेलाडी, प्रहरी, प्रशिक्षकलगायतले रक्तदान गरेका थिए ।
