हेटौंडाः मकवानपुरको इन्द्रसरोवर गाउँपालिकामा वडा अध्यक्ष कप भेट्रान्स फुटबल प्रतियोगिता हुने भएको छ । माघ १६ बुधबारदेखि सहिद दिवसको अवसरमा वडाध्यक्ष कप भेट्रान्स फुटबल प्रतियोगिता हुने भएको हो ।
कार्यक्रम खेलकुद समितिको आयोजना तथा गाउँपालिकाको २ नम्बर वडा कार्यालयको प्रायोजनमा हुनेछ । मञ्जुश्री सम्वत् २८६१ (डुल) सर्पवर्ग ल्हो सोनाम ल्होछारको अवसरमा वडाध्यक्ष कप फुटबलसहित महिला÷पुरुष भलिबल, महिलाको डोरी तान्ने प्रतियोगिता आयोजना गर्न लागेको जनाइएको छ ।
भेट्रान्स फुटबलको उपाधि विजेता टिमले ४० हजार रुपैयाँ र उपविजेता टिमले २० हजार रुपैयाँसहित शिल्ड मेडल तथा प्रमाणपत्र प्राप्त गर्नेछन् । भलिबलको उपाधि विजेता टिमले २० हजार रुपैयाँ र उपविजेता टिमले १० हजार रुपैयाँ प्राप्त गर्नेछन् । डोरी तान्ने खेलमा प्रथम र द्वितीय हुनेले क्रमश २० हजार र १० हजार रुपैयाँ प्राप्त गर्नेछन् ।
