हेटौँडा ः मकवानपुर उद्योग वाणिज्य संघको निर्वाचन कार्यक्रमअन्तर्गत शनिबार भएको मतदानपछि मतगणनाको कार्य सुरु भएको छ । राती ८ बजेबाट मतगणना सुरु भएको हो । निर्वाचन समितिले उम्मेदवारहरुसँग ७ बजे छलफल गरेर ८ बजेबाट मतगणना सुरु गरेको हो ।
निर्वाचनमा अनिल अग्रवाल र प्रमोद सिंह रानाभाट प्यानलबीच प्रतिस्पर्धा रहेको छ । मकवानपुर उद्योग वाणिज्य संघका २ हजार ४६ मतदाता सदस्य मध्ये १ हजार ८ सय १६ जनाले मतदान गरेका छन् । निर्वाचनबाट संघको ३ वर्षे कार्यकालमा नयाँ समिति चयन हुनेछ । शनिबार बिहान ८ बजेबाट दिउँसो ४ बजेसम्म मतदानको समय निर्धारण गरिएको थियो ।
