हेटौँडाः मकवानपुरको मनहरीमा सवारी दुर्घटना हुँदा ८ जना घाइते भएका छन् । शनिबार दिउँसो १ बजेको समयमा मनहरी गाउँपालिका–६ डिपार्ट स्थित पुर्व पश्चिम सडक खण्डमा स्कर्पियो र कार आपसमा ठोक्किदा ८ जना घाइते भएका हुन् ।
जिल्ला प्रहरी कार्यालय मकवानपुरका अनुसार वीरगंजबाट चितवनतर्फ जाँदै गरेको बागमती प्रदेश ०१–०२६ च ५२५० नम्बरको स्कारपियो र चितवन बाट हेटौंडा तर्फ आउदै गरेको बा १६ च ८३२४ नम्बरको कार एकआपसमा ठोक्किदा दुर्घटना भएको हो । दुर्घटनामा घाइते भएका सबैको अवस्था गम्भीर रहेको प्रहरीले जनाएको छ । दुर्घटनामा घाइते ८ जना घाइतेलाई उपचारको लागी चितवनतर्फ पठाएको प्रहरीको भनाई छ ।
